Yasamal Yaşayış Kompleksinin ikinci mərhələsi Bakı şəhəri, Yasamal rayonu, Xarici Dairəvi avtomobil yolunun kənarında (Qanlı Gölün şimal hissəsində) yerləşir. Yaşayış kompleksinin ümumi sahəsi 15,4 hektar təşkil edir. Yaşayış kompleksi 22 doqquzmərtəbəli və 18 onikimərtəbəli olmaqla 40 binadan ibarətdir. Bu binalarda ümumilikdə 2 200 mənzil var. Onlardan 144-ü birotaqlı, 156-si studio tipli, 752-si ikiotaqlı, 969-u üçotaqlı, 176-sı dördotaqlı, 2-si beşotaqlı və 1-i altıotaqlıdır. Birotaqlı mənzillərin sahəsi 35,46 – 35,57 m², studio tipli mənzillərin sahəsi 33,52 – 35,00 m², ikiotaqlı mənzillərin sahəsi 55,91 – 60,02 m², üçotaqlı mənzillərin sahəsi 72,55 – 76,79 m², dördotaqlı mənzillərin sahəsi 96,10 – 96,67 m², beşotaqlı mənzillərin sahəsi 142,72 – 142,78 m² və altıotaqlı mənzillərin sahəsi 178,64 m² təşkil edir. Kompleksdə yaşayış binaları ilə yanaşı 1 200 şagird yerlik tam orta məktəb binası, 2 ədəd 125 yerlik və 1 ədəd 100 yerlik uşaq bağçası inşa edilmişdir. Həmçinin, Agentliyin digər layihələrində olduğu kimi, bu kompleksdə də insanların rahat istirahəti üçün geniş həyətlər, yaşıllıq zonaları və uşaqlar üçün oyun meydançaları istifadəyə verilmişdir. Bütün mənzillər tam təmirli, mətbəx mebeli və qaz plitəsi, kombi isitmə sistemi (kombi cihazı daxil olmaqla), su, qaz və elektrik sayğacları ilə təchiz olunmuş şəkildə vətəndaşlara təklif olunur