Kirayə ev bazarı Azərbaycanda, xüsusən Bakı şəhərində çox aktual mövzulardandır. Hər il minlərlə insan – tələbələr, bölgələrdən paytaxta köçənlər, gənc ailələr və müvəqqəti layihələrlə işləyən mütəxəssislər – özlərinə kirayə mənzil axtarır. Bu proses ev sahibi olmaq qədər öhdəlik tələb etməsə də, çətinlikləri və incəlikləri var. Bu yazıda münasib kirayə evi necə tapmaq, müqaviləni necə tərtib etmək və kirayədə yaşayarkən nələrə diqqət etməli olduğunuzu izah edəcəyik.

Kirayə Ev Axtarma Yolları

Büdcəni və Tələbləri Müəyyən Etmək

Əvvəlcə aylıq nə qədər kira ödəyə biləcəyinizi müəyyənləşdirin. Daha sonra yerləşmə bölgəsini – işə, universitetə yaxınlıq və infrastruktura görə – seçin.

Əsas Axtarış Kanalları:

ev10.az – Saytımızda həm kirayə mənzillər, həm də otaq yoldaşı axtaran elanlara baxa bilərsiniz. Əraziyə uyğun ortalama kirayə qiymətləri göstərilir, bu isə sizə baha təklifləri müəyyən etməyə imkan verir.

Əmlak agentlikləri: Xidmət haqqı müqabilində istəyə uyğun ev tapmaqda kömək edirlər.

Tanışlar və ənənəvi elanlar: Binaların girişində yerləşdirilən elanlara da diqqət yetirin.

Qeyd: Heç vaxt mənzili görmədən beh (depozit) göndərməyin. Bu, fırıldaq halları ilə qarşılaşma riskini artırır.

Ev Seçərkən Diqqət Ediləcək Məqamlar

Evin vəziyyəti: Təmirli, rütubətsiz və funksional olmasına diqqət edin.

Kommunal şərait: Daimi su, qaz, elektrik və istilik sistemi mövcud olmalıdır.

Yerləşmə: Nəqliyyat, market, məktəb və park kimi infrastruktura yaxınlıq.

Qonşular və bina: Sakit mühit və təmiz giriş-çıxış önəmlidir.

Ödəniş Şərtləri və Vasitəçi Haqqı

• Aylıq ödəniş adətən ayın əvvəlində edilir.
• Depozit (beh) bir aylıq kira məbləğində olur.
• Makler xidmət haqqı adətən yarım ay və ya bir ay kira məbləğidir.

Mövsümi və Bazar Şərtləri

• Kirayə qiymətləri ilin fərqli dövrlərində dəyişə bilər:
• Sentyabrda tələbə axını səbəbilə qiymətlər artır.
• Yayın sonlarında qiymətlər nisbətən ucuzlaşır.
• Xarici vətəndaş axını da bazara təsir edir.

Kirayə Müddətində Hüquqlar və Öhdəliklər

Əgər sizin rəsmi kirayə müqaviləniz varsa bu halda hüquqlariniz daha cox olur. Əgər kirayə müqaviləsi bağlayırsınızsa diqqət etməlisinizI

Kirayə müqaviləsi yazılı şəkildə olmalı və notariusda təsdiqlənməlidir. Aşağıdakı məlumatlar müqavilədə yer almalıdır:

• Kirayə müddəti və aylıq ödəniş məbləği
• Ödəniş forması və tarixi
• Kommunal xərclərin kim tərəfindən ödəniləcəyi
• Evin təmir və əmlak vəziyyəti

Əlavə olaraq, ev sahibi gəlir vergisini rəsmi olaraq bəyan etməlidir. Rəsmi müqavilə həm kirayəçi, həm də ev sahibi üçün hüquqi müdafiə təmin edir.

Müqavilə müddətində ev sahibi sizi səbəbsiz evdən çıxara bilməz.

Kirayəçi evə zərər vermədən istifadə etməlidir.

Xırda təmir işləri kirayəçinin, böyük təmir işləri ev sahibinin öhdəliyində olur.

Təhlükəsizlik və Praktik Məsləhətlər

• Kilidi dəyişdirin.
• Kommunal sayğac göstəricilərini təhvil alarkən birlikdə yoxlayın.

Qonşularla münasibət qurun.

Nəticə

Kirayə ev tapmaq diqqətli yanaşma tələb edən bir prosesdir. Bazar araşdırması aparın, müqayisə edin və hüquqi müqavilə bağlamağa çalışın. Qarşılıqlı etibar olduqda kirayə müddəti problemsiz və rahat keçəcək.