Mənzil İnşaatı Dövlət Agentliyinin növbəti layihəsi — Binəqədi Yaşayış Kompleksi Binəqədi rayonu, Binəqədi qəsəbəsində yerləşir. Yaşayış kompleksinin ümumi sahəsi 9 hektar təşkil edir. Yaşayış kompleksi 16 doqquzmərtəbəli və 12 onikimərtəbəli olmaqla 28 binadan ibarətdir. Bu binalarda ümumilikdə 1 398 mənzil olacaq ki, onlardan 32-nin studio tipli, 234-nün ikiotaqlı, 850-nin üçotaqlı, 266-nın dördotaqlı, 16-nın isə beşotaqlı olması nəzərdə tutulur. Studio tipli mənzillərin sahəsi təqribən 40,10 m2, ikiotaqlı mənzillərin sahəsi təqribən 55,98 - 57,70 m2, üçotaqlı mənzillərin sahəsi təqribən 71,19 - 76,71 m2, dördotaqlı mənzillərin sahəsi təqribən 98,70 - 114,61 m2, beşotaqlı mənzillərin sahəsi təqribən 156,48 - 156,52 m2 təşkil edəcək. Bütün mənzillər tam təmirli və mətbəx mebeli ilə təchiz olunmuş vəziyyətdə vətəndaşlara təklif olunacaq. Yaşayış binaları ilə yanaşı ərazidə sosial-məişət obyektlərinin, uşaq oyun meydançalarının, 80 yerlik 1 uşaq bağçasının və 960 şagird yerlik ümumtəhsil məktəbinin istifadəyə verilməsi nəzərdə tutulmuşdur.