Gəncə Yaşayış Kompleksi – Gəncə şəhəri, Azərbaycan Bayrağı küçəsində yerləşir. Yaşayış kompleksinin ümumi sahəsi 6,23 hektar təşkil edir. Yaşayış kompleksi 12 doqquzmərtəbəli və 6 onikimərtəbəli olmaqla 18 binadan ibarətdir. Bu binalarda ümumilikdə 986 mənzil var. Onlardan 48-i birotaqlı, 68-i studio tipli, 318-i ikiotaqlı, 466-sı üçotaqlı, 86-sı dördotaqlıdır. Birotaqlı mənzillərin sahəsi 35,46 – 35,57 m², studio tipli mənzillərin sahəsi 34,85 – 34,97 m², ikiotaqlı mənzillərin sahəsi 56,40 – 56,86 m², üçotaqlı mənzillərin sahəsi 72,55 – 76,79 m², dördotaqlı mənzillərin sahəsi 96,10 – 96,67 m² təşkil edir. Kompleksdə yaşayış binaları ilə yanaşı 125 yerlik uşaq bağçası, 1 176 şagird yerlik tam orta məktəb binası inşa edilmişdir. Həmçinin, Agentliyin digər layihələrində olduğu kimi, Gəncə şəhərində də inşa olunmuş Kompleksin ərazisində insanların rahat istirahəti üçün geniş həyətlər, yaşıllıq zonaları, uşaq meydançaları istifadəyə verilmişdir. Bütün mənzillər tam təmirli, mətbəx mebeli və qaz plitəsi, kombi isitmə sistemi (kombi cihazı daxil olmaqla), su, qaz və elektrik sayğacları ilə təchiz olunmuş vəziyyətdə vətəndaşlara təklif olunur.