“Premium Residence” Pilot layihə çərçivəsində yeni “5 Ulduz” yaşayış kompleksinin tikintisinə başlamışdır. 5 ulduz hotel səviyyəsində yaşayış vəd edən kompleks paytaxtın inkişaf etmiş infrastruktura malik mərkəzi rayonunda xüsusi layihə əsasında inşa olunur. Müasir üslubda layihələndirilmiş 14 mərtəbəli 5 binadan ibarət yaşayış kompleksində mənzillərin planlaşdırılması keyfiyyətli mənzillərə olan müasir tələblərə - böyük hollar, geniş mətbəxlər, işıqlı qonaq otaqları, rahat yataq və vanna otaqları tələblərinə tam uyğundur. 5 ulduz xidmət, dəbdəbəli dizayn, əlverişli yerləşmə, rahatlıq və təhlükəsizlik – bütün bunlar “Premium Residence” kompleksini yaşamaq üçün ən cəlbedici yerlərdən birinə çevirir. “5 Ulduz” yaşayış kompleksi Heydər Əliyev Mərkəzi və Dədə Qorqud parklarından piyada gəzinti məsafəsində yerləşir. Yaxınlıqda bir neçə universitet və orta məktəblər, biznes və ticarət mərkəzləri, parklar mövcuddur. Kompleksin uğurlu yerləşməsi bina sakinlərinin gediş-gəlişini asanlaşdıracaq, həmçinin, kompleksdə yerləşəcək ofis və alış-veriş mərkəzlərini paytaxt sakinləri üçün əlçatan edəcəkdir.