Mənzil İnşaatı Dövlət Agentliyinin növbəti layihəsi – Hövsan Yaşayış Kompleksinin ikinci mərhələsi Bakı şəhəri, Suraxanı rayonu, Hövsan qəsəbəsinin qərb hissəsində yerləşir. Yaşayış kompleksinin ümumi sahəsi 18,81 hektar təşkil edir. Yaşayış kompleksi 36 doqquzmərtəbəli və 24 onikimərtəbəli olmaqla 60 binadan ibarətdir. Bu binalarda ümumilikdə 2 950 mənzil var. Onlardan 192-si studio tipli, 414-ü ikiotaqlı, 1 722-si üçotaqlı, 606-sı dördotaqlı, 16-sı beşotaqlıdır. Studio tipli mənzillərin sahəsi 40,1 m², ikiotaqlı mənzillərin sahəsi təqribən 57,68 – 57,70 m², üçotaqlı mənzillərin sahəsi təqribən 72,82 – 76,71 m², dördotaqlı mənzillərin sahəsi təqribən 98,7 – 114,61 m², beşotaqlı mənzillərin sahəsi təqribən 156,48 – 156,52 m² təşkil edir. Kompleksdə yaşayış binaları ilə yanaşı 1 920 şagird yerlik tam orta məktəb binası və 240 yerlik uşaq bağçası inşa edilmişdir.